In sechs Dooch voller Müh’ und Blooch, mussd Godd der Hea die Weld erschaff´.                                                   

Und aus an aldn dumma Aff´,

 hadd ea die Menschn nuch müss mach.     

 Danach woa ea richdich ferdich 

und mussd sich erschd mol auf sei Kaudsch lech. Do hodd ea dann ganz seelich gschloffn,

Der Mensch is drundn rumgeloffn.                       

 Der Deufl hodd die Fraa verführd: „Die Öbfl do senn ned verkehrd!“

auf amol gibds a mordsdrum Gschrei 

der Hea wachd auf, sochd:" Heieiei!" Wer schreid denn blos do drundn rum? Ward na, wenn ich nunder kumm!

Voll Wud hadd er sei Schlabbn gsuchd

und sich auf den Wech gemachd

ea siehd die zwa genussvoll kaua, 

jedz werd der Hea erschd richdich sauer:" Ihr dürfd doch ned die Öbfl essn! Ich hobs euch gsochd, habds  des vergessn?

"Ich joch euch ausn Baradies, do kummd ea nimmer rei, des sölld ea wiss!

Und dud ea euch nuch immer zankn, erschaff ich mer die Oberfrangn!

A ganz nedds Völgla werd des sei, gehd am Sundich brav in die Kirchn nei und wenn sa do nur mich abedn, wer ich sa vor der Sindflud reddn!"

Do hadd Godd die Frangn gmachd, in an Doch und aner Nochd!

Drum breised fleisich seinen Namen, seid immer brav und redlich- AMEN!